Filipinet goditen nga reshje të dendura shiu, përmbytjet i marrin jetën 67 personave

Të paktën 67 persona kanë humbur jetën si pasojë e rrëshqitjes së dherave dhe përmbytjeve të shkaktuara nga shirat e dendur që kanë goditur Filipinet jugore. Më e goditur është provinca Maguindanao, tha Naguib Sinaribo, ministër i brendshëm i Provincës Autonome të Bangsamoro në Mindanao. Sinaribo tha se operacionet e shpëtimit për personat e zhdukur po vazhdojnë, teksa vërshimet e ujit kanë shkaktuar dëme të pallogaritshme në disa qytete dhe fshatra në ishullin Mindanao. Ekipet e shpëtimit gjetën 27 trupa të pajetë në Datu Odin Sinswat, ndërsa11 viktima të tjera u gjetën në një fshat të varrosur në baltë. Dhjetë trupa u gjetën në Datu Blah Sinswat dhe pesë në Upi, sipas Sinaribo, i cili vuri në dukje se shumë njerëz u shpëtuan duke u ngjitur në çatitë e shtëpive të tyre.https://lajme.rtsh.al/artikull/filipinet-goditen-nga-reshje-te-dendura-shiu-permbytjet-i-marrin-jeten-67-personave