Kosova me Festival të Këngës”, shkroi sot online, Ministria e Kulturës, Rinisë e Sportit të Kosovës, pas fillimit të Festivalit të Këngës në RTK, natën e shkuar. Për organizimin e kësaj ngjarjeje historike e madhështore, Ministria e Kulturës ka dhënë 300.000 euro. “Ngjarja është më shumë se një festival. Është shtëpia e re e artistëve. Është kthesë serioze për muzikën shqipe, duke e afruar më pranë zemrës së publikut dhe njëkohësisht,duke e shtruar rrugën për në Eurosong”, shprehet MKRS, duke falenderuar për RTK-në dhe drejtorin e festivalit Adi Krasta, për organizimin fantastik. Festivali i parë i RTK erdhi me një skenografi mbresëlënëse në sallën e madhe të Pallatit të Rinisë, për rregullimin e të cilës ndihmoi edhe Komuna Prishtinë. Ministria e Kulturës e vlerëson këtë ngjarje si investimin e duhur në zhvillimi e promovimin e artistëve dhe vlerave tona kulturore. Në këtë festival garojnë 18 këngë përgjatë tri netëve: 26, 27 dhe 28 tetor. Drejtori artistik është i mirënjohuri Florent Boshnjaku.
