Festivali i 61-të në RTSH

Ka nisur Festivali i 61-të i Këngës në RTSH. Në të konkurrojnë 26 këngëtarë të cilët do të vlerësohen nga dy juri, ajo profesionale dhe juria e medias. Në jurinë profesionale janë emra të njohur si producenti Genc Salihu, këngëtarja Alma Bektashi, profesor Zhani Ciko, poetja Rita Petro dhe këngëtari Elton Deda. Juria profesionale do të vendosë për çmimet e 3 vendeve të para ndërsa juria e medias do të përzgjedhë mes artistëve debutues. Festivali i 61-të i Këngës në RTSH, këtë vit moderohet nga Arbana Osmani. Në natën e parë të festivalit, interpretuan 13 këngëtarë. Përveç muzikës, publikun e kanë emocionuar edhe të ftuarit specialë si aktorja “Nderi i Kombit” Margarita Xhepa dhe aktorja Olta Daku. Në skenën e festivalit do të ngjiten gjithsej 16 artistë të njohur dhe 10 këngëtarë të rinj e grupe alternative, që garojnë për 5 çmime të rëndësishme. Këngëtarët e natës së parë ishin Enxhi Nasufi, Erma Mici, Fabian Basha, Anduel Kovaçi, Fifi, Urban Band, 2 Farm, Sara Kapo, Rezarta Smaja, Albina dhe familja Kelmendi, Sergio Hajdini, Luna Çausholli dhe Rovena Dilo. Kënga që do të përfaqësojë Shqipërinë në Eurovizion, këtë vit do të zgjidhet me votat e publikut me anë të SMS-ve.https://ata.gov.al/2022/12/20/festivali-i-61-te-ne-rtsh-26-kenge-ne-gare-per-cmimin-e-madh/