Rehabilitimi i segmentit të dytë të lumit Gjanica do të plotësojë më tej mozaikun e transformimit urbanistik që po ndodh në qytetin e Fierit. Kryeministri Edi Rama ndau sot në rrjetet sociale pamje nga kantieri i fazës së dytë të transformimit rrënjësor të aksit deri dje të bllokuar e të mbindotur të Gjanicës, i cili sipas tij, kthehet “në një rrugë frymëmarrjeje të gjelbër që përshkon Fierin e rilindur”. Faza e dytë po zbatohet në një gjatësi prej 2 kilometrash dhe vjen në vijim të investimit për sistemimin e lumit. Ky projekt synon të rikthejë lumin Gjanica në një nga asetet natyrore më të rëndësishme të zonës urbane të qytetit të Fierit. ATSH
- Advertisment -