Gati 100 ditë pasi militantët e Hamasit rrëmbyen rreth 240 njerëz nga Izraeli në Rripin e Gazës, të afërmit e tyre bënë thirrje për përpjekje vendimtare për të siguruar lirimin e tyre. Në Tel Aviv, ”Forumi për Pengët dhe Familjet e Zhdukura” organizoi një demonstratë 24-orëshe për të kërkuar lirimin e pengjeve. E diela do të shënojë 100 ditët e luftës së Izraelit kundër Hamasit islamik dhe grupeve të tjera terroriste në Rripin e Gazës. Lufta e Gazës filloi më 7 tetor, kur militantët e Hamasit dhe fraksionet aleate vranë 1 200 njerëz në Izraelin jugor dhe rrëmbyen qindra të tjerë. Si përgjigje, ushtria izraelite nisi sulme masive ajrore dhe një ofensivë të madhe tokësore kundër Hamasit në Gaza. ”Forumi i Pengjeve” përdor sheshin përpara Muzeut të Artit të Tel Avivit për ekspozita, instalime dhe demonstrime për të rritur ndërgjegjësimin e publikut për pengjet.
