Fakulteti i Arkitekturës dhe Urbanistikës më të preferuarit

Degët e inxhinierisë këtë vit kryesojnë listën e renditjes së programeve të studimit nga maturantët, duke lënë pas mjekësinë dhe ekonominë. Rektori i Universitetit politeknik Andrea Maleqari sqaron se në total janë ezauruar më shumë se 65% e kuotave, ndërsa Fakulteti i Arkitekturës dhe Urbanistikës i ka plotësuar të gjitha vendet bosh. Në krahasim me një vit më parë, kërkesat janë në rritje, kryesisht për Fakultetin e Arkitekturës, atë të Teknologjisë së informacionit, elektrike dhe të ndërtimit, por arsyet që një pjesë e mirë e këtyre programeve janë preferuar më shumë janë disa. Pjesa tjetër e kuotave priten të plotësohen gjatë raundit të dytë. Rektori ka sqaruar se edhe pse kërkesat janë më të mëdha, kuotat kanë mbetur në të njëjtat shifra me qëllim për t’u ofruar të gjithë studentëve cilësinë e duhur në mësimdhënie.https://lajme.rtsh.al/artikull/deget-e-inxhinierise-me-te-kerkuara-fakulteti-i-arkitektures-dhe-urbanistikes-me-te-preferuarit