Austria do të presë garën e 10-të të sezonit në Kampionatin Botëror në Formula 1. Xhirot për renditjen në Çmimin e Madh të Austrisë do të fillojnë nesër në orën 17:00 në pistën Red Bull e gjatë 4,3 kilometra në qytetin Spielberg. Ndërsa gara Sprint do të mbahet të shtunën më 1 korrik në orën 16:30. Tetë vendet e para në garën Sprint do të fitojnë pikë prej një deri në tetë. Gara prej 71 xhirosh do të zhvillohet të dielën më 2 korrik në orën 15:00. Deri më tani Max Verstappen nga Red Bull ka fituar gjashtë gara ndërsa shoku i tij i skuadrës, Sergio Perez, dy gara. Etapa e 6-të e sezonit, Çmimi i Madh i Emilia Romagna në Itali u anulua për shkak të fatkeqësisë së përmbytjeve. Pesë vendet e para të klasifikimit të pilotëve dhe ekipeve janë si më poshtë: – Klasifikimi i pilotëve 1. Max Verstappen (Holandë): 195 pikë 2. Sergio Perez (Meksikë): 126 3. Fernando Alonso (Spanjë): 117 4. Lewis Hamilton (Britani e Madhe): 102 5. Carlos Sainz (Spanjë): 68 – Ekipet 1. Red Bull: 321 2. Mercedes: 167 3. Aston Martin: 154 4. Ferrari: 122 5. Alpine: 44 atsh
- Advertisment -