Friday, October 18, 2024
HomeSPORT-KULTURE-ARTKULTURE“Everything Everywhere All At Once” fiton Oscar

“Everything Everywhere All At Once” fiton Oscar

Fitorja dukej si një përfundim i paramenduar dhe krejtësisht e pabesueshme. Me shtatë Oscar, komedia e ashtuquajtur e çmendur “Everything Everywhere All At Once” (“Gjithçka, kudo dhe Përnjëherë”) fitoi Oscarin për filmin më të mirë duke u bërë një nga filmat më absurdë që fitoi këtë çmim të madh. Një përzierje e aksionit, humorit dhe fantashkencës, filmi dukshëm mundi historinë intime të Steven Spielberg “The Fabelmans”, tragjikomedinë “The Banshees of Inisherin” ose “Top Gun: Maverick”. “Faleminderit Academy. Faleminderit studio A24. Ju e patë të çuditshmen tonë dhe na mbështetët”, tha producenti i filmit Jonathan Wang teksa merrte statujën e artë. Ky film i pavarur pati një sukses të papritur në kinema, me më shumë se 100 milionë dollarë të ardhura. Filmi artistik tregon aventurat e Evelyn Wang, një tregtare kinezo-amerikane – e luajtur nga Michelle Yeoh – e pushtuar nga shqetësimet e saj familjare dhe telashet e saj me taksat. Në mes të rënies së saj të përditshme, ajo zbulon ekzistencën e universeve paralele dhe befas e gjen veten të ngarkuar të shpëtojë njerëzimin nga një forcë e keqe që rezulton të jetë alter egoja e vajzës së saj lezbike dhe në depresion. Për ta arritur këtë, ajo duhet të eksplorojë pafundësinë e këtij “multiversi”, në mënyrë që të shfrytëzojë fuqitë e jetës së saj alternative. A mund të ketë qenë ndryshe ekzistenca ime e shurdhër? Dhe nëse po, me çfarë çmimi? Kërkimi i Evelynit më pas kthehet në terapi familjare, e ndërthurur me një ortek skenash ekscentrike. Ndërkohë, “All Quiet on the Western Front” (”Asgjë e re nga fronti i Perëndimit”) i Edward Berger fitoi katër Oscar. Filmi, i bazuar në librin e vitit 1929 të Erich Maria Remarque, tregon tmerrin e Luftës së Parë Botërore nga këndvështrimi i një ushtari të ri. Rolin kryesor e luan aktori austriak, Felix Kammerer. Përveç Gjermanisë në listën e kandidaturave për çmimet Oscar u përfshinë gjithashtu, filma si “Corsage” (Austri), “Saint Omer” (Francë) dhe “Bardo: False Chronicle of a Handful of Truths” (Meksikë) apo TAR. Aktorja malajziane Michelle Yeoh fitoi çmimin Oscar për aktoren më të mirë për “Everything Everywhere All At Once”, duke u bërë aktorja e parë me origjinë aziatike që fitoi çmimin në 95 vjet ceremoni. “Për të gjithë djemtë dhe vajzat e vogla që duken si unë duke parë sonte, ky është një simbol i shpresës dhe mundësisë”, tha ajo me emocion. “Është histori në lëvizje”, shtoi ajo. Aktori amerikan Brendan Fraser fitoi çmimin Oscar për aktorin më të mirë për rolin e tij si një profesor obez i izoluar në shtëpi në “The Whale”. Ish-ylli i filmave të suksesshëm në vitet 1990 si “The Mummy”, ai nënshkruan kështu një rikthim spektakolar pasi kishte rënë në harresë. atsh

RELATED ARTICLES
- Advertisment -spot_img

Most Popular

Recent Comments