Euroja dhe dollari nënçmohen në këmbim me lekun

Leku po fiton sërish terren në kursin e këmbimit me euron. Sipas Bankës së Shqipërisë, ditën e martë euroja u këmbye në nivelin e 115.88 lekëve, niveli më i ulët në një muaj. Në raport me lekun pozitat i ka dobësuar edhe dollari amerikan. Monedha e gjelbër amerikane këmbehet me 107.78 lekë ose 0.83 lekë më pak se një ditë më parë. Ndërkohë paundi britanik është forcuar me 0.62 lekë dhe këmbehet me 131.36 lekë dhe franga zvicerane këmbehet me 117.27 lekë ose 0.43 lekë më pak. atsh