”Ericsson”: Një miliard abonime 5G

Pandemia, puna nga shtëpia dhe mësimdhënia në distancë i kanë dhënë një përshpejtim të fortë adoptimit të rrjeteve celulare. Gjenerata e re e lidhjes, 5G, ka përfituar vazhdimisht, duke arritur në një miliardë abonime globalisht deri në fund të vitit, sipas parashikimit të fundit të studimit të ”Ericsson Mobility Report 2022”, sipas të cilit trafiku i të dhënave në rrjetet celulare është dyfishuar në dy vitet e fundit. Raporti parashikon 4,4 miliardë abonime 5G deri në vitin 2027, me 60% të trafikut të të dhënave në rrjetin global celular që do të trajtohet nga 5G gjatë pesë viteve të ardhshme. Gjatë periudhës pesëvjeçare, 82% e përdoruesve evropianë me të paktën një abonim të të dhënave celulare do të kenë 5G.