Enti Rregullator i Energjisë (ERE) lë në fuqi sërish edhe për vitin 2024 tarifën e transmetimit prej 28 lekë/m3 për transmetimin e gazit nga ana e shoqërisë publike Albgaz. ERE sqaron se kjo tarifë edhe pse e miratuar si procedurë nuk prek drejtpërdrejt kompaninë, pasi kjo e fundit ende nuk ka aktivitet në transmetim. Vendimi për tarifën e transmetimit nga ana e Albgaz është miratuar nga viti 2019 dhe qysh atëherë nuk ka pasur ndryshime vetëm shtyrje të fuqisë së saj. Kështu për vitin aktual tarifa i referohet pikës 1 të vendimit të 5 viteve të shkuara që është 28 Lekë/m3.
