E bërë nga pothuajse 3.624 kg ar dhe rreth 6,426 diamante, një monedhë e re që nderon jetën e mbretëreshës Elizabeth II mund të jetë “ndër monedhat më të vlefshme të të gjitha kohërave”. Krijuesi i këtij objekti luksoz e ka vlerësuar me vlerë rreth 23 milionë dollarë. Monedha u prodhua nga East India Company, një markë e stilit të jetesës luksoze me të drejta mbi emrin e korporatës që dikur kontrollonte pjesë të mëdha të perandorisë britanike. E quajtur “The Crown” kompania e përshkroi krijimin e kësaj monedhe si një “objekt arti”.
Rekordi aktual botëror i Guinness-it për monedhën më të shtrenjtë që është shitur ndonjëherë në ankand mbahet nga një “Shqiponja e Dyfishtë” e rrallë amerikane e vitit 1933 që arriti në 18.9 milionë dollarë në Sotheby’s New York në qershor 2021. Monedha ka një diametër prej mbi 24 cm dhe dizajni i saj përbëhet nga monedha ari 24 karat të vendosura në shtretër diamante. Monedha qendrore peshon mbi 907 gr ndërsa ato më të voglat rreth saj peshojnë secila 28 gr dhe përmbajnë portrete të monarkes të ndjerë ose përshkrime të virtyteve duke përfshirë të vërtetën, drejtësinë dhe guximin. Në njërën anë, mijëra diamante janë rregulluar që t’i ngjajnë flamurit të Mbretërisë së Bashkuar, ndërsa vendosja e pasme është frymëzuar nga diademat e mbretëreshës së ndjerë
