“Lëvizja Sportive Shkollore”, mes shkollave të mesme në basketboll finalizoi sot me një takim emocionues garën mes ekipeve të vajzave të qarkut Tiranës dhe Shkodrës, duke shpallur kampion ekipin e Tiranës. Kryeministri Edi Rama përcolli momentet e gëzimit për fitoren, ndërsa theksoi se për të ardhur deri këtu në të gjithë vendin janë organizuar deri tani në këtë lëvizje 10,000 nxënës të shkollave 9-vjeçare dhe të Shkollave të Mesme, si edhe 350 trajnerë volejbolli dhe basketbolli. Lëvizja sportive në shkolla është nisma e Ministrisë së Arsimit dhe Sportit për masivizimin e sportit mes nxënësve. Nga projekti “Ekipet sportive në Shkolla” përfitojnë direkt më shumë se 10,000 vajza dhe djem, në shkallë vendi, të cilët aktualisht ndjekin studimet në shkollat 9-vjeçare, gjimnaze dhe universitete. Gjithashtu janë formuar rreth 700 ekipe basketbolli dhe volejbollit për të dyja gjinitë. atsh
- Advertisment -