Një Barbi, kukulla më e famshme e botës, e verbër është prezantuar nga kompania e lodrave ”Mattel”, si edicioni i fundit në koleksionin e saj të zgjeruar të kukullave gjithëpërfshirëse.
Kukulla e verbër, e lëshuar nga ”Mattel” gjatë vitit të saj të 65-vjetorit, ka karakteristika që lejojnë lojën e arritshme për fëmijët me humbje të shikimit, si dhe përfaqëson një grua me shikim të dëmtuar.
Ajo vjen me një kallam me majë, syze dielli, pëlhura me teksturë dhe gjallëri dhe artikulacione te bërrylat për të siguruar përdorim të rehatshëm të kallamit.
Kukulla është projektuar gjithashtu me një vështrim të drejtuar paksa lart dhe jashtë për të pasqyruar shikimin e syrit, ndonjëherë të dallueshëm, të një individi të verbër.
Publikimi më i fundit i kukullave Barbi vijon në një linjë të gjatë kukullash gjithëpërfshirëse të cilat kanë përfshirë një Barbi me humbje dëgjimi, Barbi me sindromën Down dhe Barbi në një karrige me rrota.
”Mattel” kërkoi ekspertizën e një numri organizatash bamirëse, duke përfshirë Institutin Kombëtar Mbretëror të Personave të Verbër (RNIB) dhe Fondacionin Amerikan për të Verbërit (AFB).
Debbie Miller, nga RNIB, nënvizoi rëndësinë e konsultimit me njerëzit që jetojnë me probleme me shikimin gjatë krijimit të produkteve për komunitetin e verbër.
Ajo tha se “unë nuk mendoj se është e mundur të krijohen produkte të ndryshme pa folur drejtpërdrejt me njerëzit që preken nga ato gjëra çdo ditë, kështu që është kaq e rëndësishme”.
