Dy fushat e reja të skuadrës së Dinamos, pjesë e projektit 100 fushat, janë drejt përfundimit dhe njëra prej tyre brenda 10 ditëve do të jetë në dispozicion të ekipeve për zhvillimin e seanca stërvitore. Presidenti i Federatës Shqiptare të Futbollit, Armand Duka ndau sot pamje nga ky projekt madhor, teksa theksoi se, “ndërkohë fusha me bar natyral po ecën me ritme të larta duke i shtuar infrastrukturës sportive në Qarkun Sportiv Tiranë dy fusha të tjera për djemtë dhe vajzat që ndjekin ëndrrën e tyre të madhe”. “Në të gjithë vendin vazhdojnë me ritme të larta punimet për fushat e reja që po ndërtohen me financimet e Federatës Shqiptare të Futbollit”, u shpreh ai. Duka garantoi të gjithë futbollistët dhe futbollistet, në prag të sezonit të ri futbollistik, se FSHF do të bëjë gjithçka dhe nuk do të ndalet në transformimin e infrastrukturës futbollistike.
- Advertisment -