Drejtori i Përgjithshëm i Kadastrës Artan Lame, bashkë me kryetarin e Bashkisë Safet Gjici gjatë një takimi me banorët e fshatit Gostil deklaroi se “arkivës së Tropojës i vihet çelësi”. Lame i ka vënë drynin edhe arkivës së dokumenteve të trashëguara të drejtorisë së Tropojës, pasi ajo ka përfunduar digjitalizimin dhe gjithçka ndodhet online. “Çelësit të arkivit të Lushnjës që e mbyllëm në tetor, sot i bashkohet edhe çelësi i arkivës së drejtorisë së Tropojës”, tha Lame. Janë 325 mijë fletë që dokumente që u skanuan dhe 35.000 dosje pronash të kësaj Bashkie që u digjitalizuan. Digjitalizimi i arkivit dokumentar të pronave të Tropojës, u krye në kuadër të një projekti të financuar nga Qeveria Shqiptare për digjitalizimin e të gjithë arkivave. Në kuadër të këtij procesi, tashmë të gjitha transaksionet e pronave do të kenë përmirësime duke rritur saktësinë e informacionit të marrë, rrit shpejtësinë e dhënies së shërbimit dhe të sigurisë së pronave. Tropoja me parqet Kombëtare natyrore është një zone ku turizmi malor po merr përparësi dhe ky proces do të ndihmojë në zhvillimin e tij duke lehtësuar transaksionet e pronësisë dhe sigurinë e tyre. Qytetarët nuk do kenë më përballë sportelet e Kadastrës, por do kenë një sistem i cili në arkivat e veta digjitale i ka të gjitha transparente, dhe me një klik do të kesh shkresën e pronës në telefonin personal. ATA
- Advertisment -