Qeveria përmes Skemës Kombëtare të Investimeve 2024, mbështet fermerët me financim grant për investime në mekanizimin e bujqësisë.
Ministrja e Bujqësisë dhe Zhvillimit Rural, Anila Denaj tha se, përmes kësaj skeme mbështeten fermerët për blerjen e traktorëve, makinerive dhe pajisjeve moderne për mekanizimin dhe përmirësimin e proceseve të punës në fermat bujqësore dhe blegtorale.
Sipas saj, Skema Kombëtare e Investimeve 2024, ndihmon fermerët të rrisin produktivitetin dhe cilësinë e punës së tyre.
“Masa e përfitimit është 50% e vlerës totale të faturave tatimor, deri në 5 milionë lekë për subjekt”, bëri të ditur Denaj.
“Ky investim mbështet fermerët në modernizimin e bujqësisë dhe blegtorisë, për realizimin e punës në mënyrë më efikase dhe të sigurt, për të përmirësuar jetën dhe prodhimin e tyre” deklaroi ministrja.
