Dëborë dhe temperatura -10 gradë, ARRSH: Aksi Ura e Zapotit-Shishtavec, i hapur për qarkullim

Autoriteti Rrugor Shqiptar njoftoi sot se aksi rrugor Ura e Zapotit-Shishtavec është i hapur dhe dhe qarkullimi kryhet pa probleme edhe pse kushtet e motit janë të vështira. Punonjësit e Autoritetit Rrugor Shqiptar vazhdojnë punën për pastrimin e rrugëve nga bora e rënë orët e fundit për shkak të reshjeve të shtuara nga moti i keq. Autoriteti Rrugor Shqiptar njoftoi se reshjet e borës në aksin Ura e Zapotit-Shishtavec vazhdojnë dhe janë të shoqëruara me erë të fortë dhe ulje të ndjeshme të temperaturave. “Reshjet e dëborës vazhdojnë me intensitet shoqëruar me erë të fortë që ka sjellë grumbullim të dëborës, është punuar pa ndërprerje për pastrimin e rrugës dhe shpërndarjen e kripës. Temperatura shënon -10 °C. Rruga është e hapur dhe qarkullimi kryhet pa probleme. Për drejtuesit e mjeteve që kalojnë në këtë aks rekomandohet përdorimi i gomave dimërore dhe pajisja me zinxhirë”, njoftoi Autoriteti Rrugor Shqiptar. ATSH