DASH:Të lirohen pa kushte tre policët e Kosovës

Departamenti Amerikan i Shtetit i ka bërë thirrje Kosovës dhe Serbisë të ndërmarrin hapa të menjëhershëm për të shmangur përshkallëzimin e tensioneve, që përfshin lirimin pa kushte të tre policëve të Kosovës të ndaluar nga Serbia, sipas “Reuters”. “Ne besojmë se Kosova dhe Serbia duhet të ndërmarrin hapa të menjëhershëm për të ulur tensionet,” u tha gazetarëve zëdhënësi i Departamentit të Shtetit, Matthew Miller. Ndalimi i policëve të mërkurën mbrëma është i fundit në një sërë zhvillimesh që kanë rritur tensionet mes Kosovës dhe Serbisë, duke ngjallur frikën e rifillimit të dhunës mes ish-armiqve të kohës së luftës. atsh