Danimarka investon rreth 6 miliardë dollarë për mbrojtjen

Qeveria daneze ka planifikuar të investojë 5.63 miliardë dollarë për mbrojtjne gjatë dhjetë viteve të ardhshme, në përgjigje të situatës së sigurisë në Evropë që kur Rusia pushtoi Ukrainën. “Një pjesë e madhe e parave do të shpenzohen për rindërtimin e një themeli për mbrojtjen, dhe në këtë mënyrë modernizimin e tij”, tha ministri në detyrë i Mbrojtjes, Troels Lund Poulsen në një konferencë për shtyp. Shumë vende evropiane kanë rritur në mënyrë drastike shpenzimet e tyre të mbrojtjes vitin e fundit, si përgjigje ndaj luftës në Ukrainë dhe ndryshimit të peizazhit të sigurisë në Evropë. Poulsen theksoi boshllëqe të ndryshme në sistemin e mbrojtjes daneze, të tilla si infrastruktura e vjetër dhe sistemet e vjetëruara të IT. Problemet e rekrutimit do të trajtohen duke përdorur fondet e reja. “Është një dështim kolektiv që na ka vendosur në këtë situatë”, tha Poulsen, duke iu referuar arkitekturës së mbrojtjes së Danimarkës. “Mbrojtja është lënë pas dore nga ndryshimi i qeverive për shumë vite”. atsh