Bordi i Transparencës për Karburantet informon se çmimi i naftës do të ulet sot, pas uljes së çmimeve në bursën Platts Mediteran. Bordi bëri të ditur se referuar të dhënave lidhur me bursën Platts të datës 11.10.2022, ka ulje të çmimit nga ai përcaktuar në mbledhjen e fundit datë 07.10.2022. Konkretisht rezulton se çmimi (FOB/MED $ Ton) i benzinës është ulur 866 (- 30 nga data 06.10. 2022), $/ton, ndërsa çmimi i gazoilit/diesel është ulur ne 1109 (- 53 nga data 06.10.2022) $/ton. “Si rrjedhojë çmimi i shitjes me pakicë i nënproduktit gasoil i standardit SSH EN 590 të jetë jo më shumë se 240 lekë/litër, ndërsa i shitjes me shumicë jo më shumë se 228 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 203 lekë/litër, ndërsa i shitjes me shumicë jo më shumë se 191 lekë/litër. Çmimi i shitjes me pakicë i nënproduktit gaz, të jetë 78 lekë/litër me pakicë dhe i shitjes me shumicë 66 lekë/litër për automjetet”, bën të ditur Bordi. Sipas Bordit, çmimi i shitjes me shumicë i gazoilit për peshkim është 146 lekë/litër, ndërsa me pakicë, 158 lekë/litër.https://ata.gov.al/2022/10/12/bordi-i-transparences-cmimi-i-naftes-zbret-ne-240-leke-liter/
- Advertisment -