Çmimi i shitjes së plehrave kimike ka shënuar rënie në tregjet e vendit, duke favorizuar kështu fermerët në uljen e kostove të prodhimit në bujqësi. Qindra kuintalë pleh kimik (ure) po përdoren aktualisht nga fermerët në parcelat me grurë, të blerë me një çmim më të ulët se një muaj më parë. Sipas të dhënave nga Agjencia Rajonale e Ekstencionit Bujqësor Fier, një kuintal ure kushton sot 720 lekë, kundrejt 800 lekëve që ishte në muajin janar, ndërsa një vit më parë ishte 1200 lekë. Fermerët në Myzeqe shprehen se, ka ulje të çmimit për plehrat kimikë, çka i favorizon ata në uljen e kostove të prodhimit dhe rritjen e rendimentit. ATSH
- Advertisment -