Cmimet e karburanteve ,Nafta ulet me 5 lekë,Benzina me 8 lekë

Brenda 24 orëve kanë ndryshuar sërish çmimet e karburanteve në vend. Nafta është ulur me 5 lekë duke u tregtuar me 209 lekë/litri nga 214 lekë që ishte, ndërsa benzina ka rënë me 8 lekë dhe do të shitet me 187 lekë/litri. Çmimi i gazit vijon të mos ndryshojë duke u shitur me 71 lekë/litër “Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 209 lekë/litri, ndërsa i shitjes me shumicë jo më shumë se 197 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 187 lekë/litri, ndërsa i shitjes me shumicë jo më shumë se 175 lekë/litër. Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet. Çmimi i gazoilit për peshkim është vendosur 116 lekë/litër”, thuhet në vendimin e Bordit të Transaprencës. Çmimet e caktuara nga Bordi do të hynë në fuqi në datë 3 Dhjetor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.https://lajme.rtsh.al/artikull/ndryshojne-serish-cmimet-e-karburanteve-brenda-24-oreve-nafta-ulet-me-5-leke-bie-dhe-benzina-me-8-leke