Një alpinist që ra në një çarje 8 metra të thellë në Zvicër u shpëtua falë qenit të tij, çihuahua, i cili njoftoi ekipet e emergjencës për vendndodhjen e tij.
Shërbimi lokal i shpëtimit tha se alpinisti po ecte të premten me qenin e tij në akullnajën “Fee” mbi Saas-Fee në Alpet Zvicerane kur kishte rënë në një çarje të një ure prej dëbore.
“Ai arriti të kërkonte ndihmë duke përdorur radion e tij”, tha dje shërbimi i shpëtimit “Air Zermatt”.
“Një person aty pranë mori rastësisht thirrjen e emergjencës, por nuk ishte në gjendje të lokalizonte vendndodhjen e saktë të aksidentit”, tha ai.
“Air Zermatt” tha se punonjësit e shpëtimit panë qenin e tij duke lëvizur pranë gropës jo shumë të dukshme – dhe arritën ta shpëtonin shpejt pronarin e tij, duke e përshkruar kafshën shtëpiake si një “hero me katër këmbë”.
Alpinisti dhe qeni i tij u transportuan me helikopter në spital.
