Në Qeparo janë shtuar plazhet publike me çadra të vendosura nga bashkia e Himarës.
Pas lirimit të plazhit nga çadrat e vendosura në mënyrë të paligjshme nga sipërmarrës dhe individë, bashkia Himarë ka vendosur aty çadrat e saj, pa pagesë.
Kjo hapësirë i shtohet hapësirave të tjera publike e të sistemuara, duke mundësuar pushime me kosto të ulët për sa më shumë njerëz.
Bashkia e Himarës apelon sërish ndaj pushuesve, duke kërkuar mbrojtjen e mjedisit publik, për të mos dëmtuar çadrat dhe duke e mbajtur pastër plazhin.
