Bursa me pagë minimale për 400 studentë ekselentë

Në një takim me rektorët e Universiteteve Publike dhe Jopublike për të diskutuar mbi procesin e rankimit të institucioneve të arsimit të lartë, Rama foli mbi çështjen e bursave. “Ne kishim një sistem, i cili ishte qëllim mirë. I nisur nga qeveritë e mëparshme për bursat e ekselencës në shtete të tjera. Financonim deri vjet një shumë të konsiderueshme parash për rreth 20 veta, me idenë që t’i shkollojmë këta jashtë dhe këta në universitetet më të mira të botës kuptohet. Shqiptarë me xixa, me 5 yje dhe këta të na kthejnë mbrapsht kontribut, të tërë këta kanë ikur, të tërë komplet, pasi kanë firmosur marrëveshjen që unë do shkoj atje dhe do vij t’ja kthej Atdheut”, tha Rama. “Atëherë për çfarë duhet të vazhdojmë ne t’i financojmë këta, kur as nuk përgjigjen të thonë që jam këtu, por sigurisht kanë oferta fantastike të menjëhershme. Se në ato universitete ku shkojnë të gjithë mezi presin t’i marrin t’i fusin nëpër kompanitë më të mëdha të botës. Por kjo për ne është e papranueshme, që një vend si yni që nuk hyn tek vendet e pasura, por hyn tek më pak të pasurat, të financojë me para kapital njerëzor që e marrin kukudhët e mëdhenj të kapitalizmit botëror kjo nuk ka më sens”, u shpreh Rama. “Atëherë ne të gjithë këtë fond e kemi kthyer për studentët këtu dhe nga 20 ne mund të shkojmë deri në 400, të cilët do të paguhen me rrogë minimale, pagë minimale si studentë. Kështu përsëri vlerësojmë meritën”, theksoi kreu i qeverisë.https://ata.gov.al/2022/10/18/rama-bursa-me-page-minimale-per-400-studente-ekselente/