Rritja e numrit të turistëve nga viti në vit ka krijuar horizonte të reja punësimi për të rinjtë dhe jo vetëm. Profesioni i guidës (udhërrëfyesit), apo agjentit turistik është nga më të kërkuarit nga agjencitë turistike në vend.
Për të plotësuar e ndihmuar në plotësimin e nevojave të tregut me guida turistike, por edhe për të rritur cilësinë e shërbimit të guidave në vendin tonë, një prej qendra multikulturore në kryeqytet në bashkëpunim dhe me një agjenci turistike në vendin tonë, kanë ndërmarrë një nisëm për të trajnuar guida apo aspirantë për guida, duke i përgatitur për tregun e punës.
