Pas Malit të Zi dhe Maqedonisë së Veriut, Bullgaria është bërë vendi i fundit që ka deklaruar se nuk do të marrë pjesë në Eurovizionin e vitit të ardhshëm. Arsyeja është e njëjtë, rritja e tarifës së hyrjes, pasi vendeve u është kërkuar të paguajnë më shumë për të kompensuar paratë e humbura pas përjashtimit të Rusisë nga konkursi. Se sa paguan çdo transmetues pjesëmarrës për të hyrë nuk bëhet publike, por kostoja totale midis të gjithë pjesëmarrësve zakonisht shkon deri në rreth 5 milion dollarë. Rusia dikur ishte një kontribuues i rëndësishëm financiar, por u përjashtua nga kompeticioni pas pushtimit të Ukrainës. Ukraina ishte fituesja e Eurovizionit të këtij viti, por festivali do të zhvillohet në Britani për shkak të luftës, teksa Liverpool u zgjodh si qyteti pritës.https://lajme.rtsh.al/artikull/pas-malit-te-zi-dhe-maqedonise-se-veriut-edhe-bullgaria-terhiqet-nga-eurovizion
- Advertisment -