Bordi i Transparencës së Çmimit të Karburanteve vendosi sot që çmimi me pakicë i tregtimit të naftës të jetë 176 lekë/litër. “Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 176 lekë/litër, ndërsa i shitjes me shumicë jo më shumë se 164 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 179 lekë/litër, ndërsa i shitjes me shumicë jo më shumë se 167 lekë/litër”, bëri të ditur Bordi. Sipas njoftimit, çmimi i shitjes me pakicë i nënproduktit gaz, të jetë 63 lekë/litër me pakicë dhe i shitjes me shumicë 51 lekë/litër për automjetet. Çmimi i gazoilit për peshkim është vendosur 82 lekë/litër. Çmimet e caktuara nga Bordi do të hyjnë në fuqi në datë 26 maj, ora 18:00, dhe do të jenë të vlefshme deri në mbledhjen e ardhshme të Bordit, ku do të pasqyrohen ndryshimet e çmimeve të shitjes.
- Advertisment -