BSH:Pritshmëri në rënie për rritjen e çmimeve

Pritjet e bizneseve për rritjen e çmimeve shënuan një tendencë rënëse gjatë muajit nëntor. Vrojtimi i besimit të bizneseve dhe konsumatorëve për muajin nëntor, publikuar së fundi nga Banka e Shqipërisë, tregoi se bizneset në sektorin e industrisë, tregtisë dhe shërbimeve kanë të gjitha pritje në ulje lidhur me çmimet që do të vendosin në të ardhmen. Sektori ku bizneset raportuan pritje në rritje për çmimet ishte ai i ndërtimit. Pritshmëritë inflacioniste janë një aspekt i rëndësishëm në formimin e çmimeve. Të dhënat e muajit nëntor 2022, gjykohen si një sinjal pozitiv, që tregon se edhe mes bizneseve po krijohen pritshmëri për rënie të çmimeve. Pas mbledhjes së fundit, Këshilli Mbikëqyrës i Bankës së Shqipërisë vlerësonte se presionet inflacioniste do të vijnë në reduktim gjatë vitit 2023, ndërsa inflacioni pritet të kthehet në objektiv në tremujorin e dytë të vitit 2024. Sipas INSTAT inflacioni në muajin tetor arriti në 8.3%.https://ata.gov.al/2022/12/09/bsh-bizneset-pritshmeri-ne-renie-per-rritjen-e-cmimeve/