Përfaqësuesi i Lartë i BE-së për Punë të Jashtme dhe Politikë të Sigurisë, Josep Borrell deklaroi sot se Shqipëria ka bërë progres në udhëtimin e saj drejt integrimit në BE. “Shqipëria ka bërë progres në ecurinë e saj drejt BE-së dhe janë të vendosur të vazhdojnë më tej me negociatat. Procesi mbështetet shumë te angazhimi i qeverisë dhe popullit shqiptar. Unë e kam vënë theksin në diskutimin me Kryeministrin, që duhet të bashkëpunojmë me të gjitha grupet e interesit në këtë momentet kritik, thelbësor për anëtarësimin e Shqipërisë në BE”, deklaroi Borrell, gjatë një konference të përbashkët për shtyp me Kryeministrin Edi Rama, nga Brukseli. Përfaqësuesi i Lartë i BE-së, tha se gjithashtu ishte i lumtur të shikonte se Shqipëria ka qenë në harmonizim të plotë me politikën e BE-së për sa i përket sigurisë. Ai theksoi se kjo e ka bërë Shqipërinë target të sulmeve kibernetike, ndërsa siguroi se Shqipëria do të ketë gjithmonë mbështetjen e BE-së, në këtë aspekt. “Jam shumë i lumtur të shoh që Shqipëria ka qenë në harmonizim të plotë me politikën e BE-së për politikën e sigurisë, masat kufizuese, në linjë me vlerat tona. Kjo e ka bërë Shqipërinë një partner shumë të mirë. Jam i vetëdijshëm që ky pozicion e bën Shqipërinë një target, por është e rëndësishme që Shqipëria do të ketë gjithmonë mbështetjen e BE-së në këtë aspekt. Ne gjithashtu po punojmë në disa aspekte për të rritur rezistencën e Shqipërisë dhe po ashtu të të gjithë rajonit të BE-së dhe Ballkanit Perëndimor, sa i takon kundërveprimeve të sulmeve kibernetike”, deklaroi Borrell. atsh
Borrell: Shqipëria progres drejt integrimit në BE
RELATED ARTICLES
- Advertisment -
Recent Comments
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER