Bordi i Transparencës, uli për të dytën ditë me radhë çmimet e karburanteve në vend. Bordi i mbledhur ditën e sotme, vendosi uljen me 8 lekë për litër të çmimit të naftës pas ulej me 9 lekë për litër ditën e djehsme, ndërsa çmimi i benzinës u ul me 2 lekë për litër. Çmimi i gazit mbetet i pandryshuar. “Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 235 lekë/litri, ndërsa i shitjes me shumicë jo më shumë se 223 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 227 lekë/litri,ndërsa i shitjes me shumicë jo më shumë se 215 lekë/litër. Çmimi i shitjes me pakicë i nënproduktit gaz, të jetë 81 lekë/litri dhe i shitjes me shumicë 69 Lekë /litri”, thuhet në deklaratën e Ministrisë së Financave dhe Ekonomisë. Sipas Bordit, çmimet e caktuara do të hynë në fuqi sot ora 18:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. MFE tërheq vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi. Sipas MFE-së në rast të shkeljeve të konstatuara nga operatorë të ndryshëm do të vendoset pezullimi i aktivitetit
https://ata.gov.al/2022/07/07/bordi-i-transparences-cmimi-i-naftes-zbret-ne-235-leke-per-liter/
