Bonusi i bebes, për 36 mijë të porsalindur këtë vit

Bonusi i bebes u ka shkuar prindërve të më shumë se 36 mijë të porsalindurve këtë vit. Shifrën e bëri të ditur Kryeministri Edi Rama në rrjete sociale, mëngjesin e sotëm. Bonusi i bebes është një politikë e re sociale që po zbatohet nga qeveria prej 1 janarit 2019 dhe mbështet familjet e reja, pavarësisht statusit social-ekonomik. Bonusi përfitohet për të gjithë fëmijët e regjistruar në Shqipëri, pa dallim nëse kanë lindur këtu apo jashtë vendit. Prindërit e fëmijëve të sapolindur e tërheqin çekun e bebes në maternitetin ku ndodhen, duke kryer regjistrimin e menjëhershëm të fëmijës, duke shmangur të gjitha vonesat dhe burokracitë që kanë ndodhur më parë. Për fëmijën e parë bonusi është 40,000 lekë, për fëmijën e dytë 80,000 lekë dhe për fëmijën e tretë e më shumë 120,000 lekë.https://ata.gov.al/2022/12/05/bonusi-i-bebes-per-me-shume-se-36-mije-te-porsalindur-kete-vit/