Ish-mbrojtësi i Italisë dhe Juventusit, Leonardo Bonucci ka njoftuar tërheqjen nga karriera e tij e shkëlqyer 19-vjeçare. 37-vjeçari fitoi Euro 2020 si pjesë e skuadrës së Roberto Mancini duke shënuar në finale në Wembley. Ai fitoi tetë tituj të Serisë A, katër kurora të Kupës së Italisë dhe pesë Superkupa të Italisë gjatë dy periudhave te Juventusi. Bonucci, i cili gjithashtu luajti për Interin dhe AC Milan, e përfundoi karrierën e tij në skuadrën turke Fenerbahce. Ai konfirmoi tërheqjen e tij nga futbolli në rrjetet sociale. Bonucci luajti 502 herë për Juventusin, duke u bashkuar nga Bari në 2010 dhe duke u kthyer në klub në 2018 pas një sezoni në AC Milan. Në një deklaratë të Juventusit thuhej: “Lojtari që ka formuar një pjesë të madhe të historisë sonë të fundit ka vendosur të largohet nga bota e futbollit. Leonardo Bonucci ka vendosur të tërhiqet nga futbolli, një njoftim që na prek thellë, pasi Leo e ka të gdhendur emrin e tij në arkivat e Juventusit”
