Home Office – përgjegjëse për emigracionin, sigurinë, ligjin dhe rendin ka raportuar shifra rekord të migrantëve që mbërrijnë në Britaninë e Madhe përmes Kanalit të La Manshit, në katër muajt e parë të vitit kalendarik, një rritje me 27% krahasuar me vitin 2023. Sipas shifrave të përkohshme, nga janari deri në prill janë regjistruar gjithsej 7567 migrantë. Një shifër 27% më e lartë se numri i mbërritjeve të regjistruara në katër muajt e parë të vitit të kaluar (5946) dhe një rritje prej 13% krahasuar me shifrat e regjistruara në të njëjtën periudhë të vitit 2022 (6691). Agjencia Kombëtare e Krimit (NCA) njoftoi se një person i katërt ishte arrestuar pas dyshimeve për shkelje të ligjit të migracionit. Gjithashtu, pesë migrantë u raportuan të vdekur javën e kaluar ndërsa përpiqeshin të kalonin Kanalin
