Mbështetja e Kinës për Rusinë në luftën e saj kundër Ukrainës duhet të përfundojë deklaroi sekretari amerikan i Shtetit, Antony Blinken në një konferencë për shtyp në Uashington me sekretarin e përgjithshëm të Aleancës, Jens Stoltenberg. “Nëse Kina me të vërtetë kujdeset për përfundimin e luftës, siç pretendon ajo, ajo duhet të ndalojë së ushqyeri makinën ruse të luftës”, theksoi Blinken. “Pekini nuk mund të thotë nga njëra anë se dëshiron marrëdhënie më të mira me Evropën dhe nga ana tjetër të vazhdojë të mbështesë Moskën”, theksoi sekretari Blinken
