Presidenti i SHBA Joe Biden dhe kancelari gjerman Olaf Scholz folën sërish në telefon, me bisedën që u përqëndrua në mbështetjen për Ukrainën, e cila është nën sulm nga Rusia, njoftoi më vonë Shtëpia e Bardhë. Kancelaria fillimisht nuk dha asnjë informacion për bisedën telefonike. Scholz dhe Biden folën në telefon vetëm javën e kaluar dhe ranë dakord që Gjermania dhe Shtetet e Bashkuara të furnizojnë Ukrainën me automjete të blinduara. Dërgesat e mëtejshme, përfshirë tanket, do të diskutohen në një takim në bazën ajrore amerikane Ramstein në Gjermani. Në emër të qeverisë gjermane pritet të jetë i pranishëm edhe ministri i ri i Mbrojtjes Boris Pistorius. ATSH
- Advertisment -