Biden: Masa për lejeqëndrimin e afganëve të strehuar

Presidenti i SHBA-së, Joe Biden në përvjetorin e tërheqjes së vendit të tij nga Afganistanit, i bëri thirrje Kongresit të miratojë projektligjin e emërtuar “Ligji i Harmonisë Afgane” i cili parashikon dhënien e lejeve të qëndrimit për afganët që janë strehuar në vend. Biden bëri një deklaratë me shkrim me rastin e 2-vjetorit të tërheqjes së ushtarëve amerikanë nga Afganistani. “Afganët e strehuar në SHBA kanë dhënë kontribut të madh gjatë procesit të tërheqjes. Unë kam premtuar se do të qëndroj pranë tyre, ashtu sikurse afganët qëndruan pranë nesh. I bëj thirrje Kongresit të miratojë Ligjin e Harmonisë Afgane, për t’i hapur rrugë lejeve të qëndrimit për miqtë dhe fqinjët tanë afganë”, tha Biden. Projektligji në fjalë parashikon dhënien e leje qëndrimit për afganët që SHBA-ja evakuoi nga Afganistani gjatë procesit të tërheqjes në vitin 2021.