Presidenti amerikan, Joe Biden denoncoi sot vendimin e një gjykate të Arizonës që e konsideron të vlefshëm një ndalim pothuajse total të abortit në shtet. “Ky është një ligj mizor”, tha Biden, i cili ngriti çështjen e aksesit ndaj abortit një bosht qendror të fushatës për rizgjedhjen e tij.
Duke kritikuar një ndalim “madje më ekstrem dhe të rrezikshëm” të abortit, presidenti amerikan beson se vendimi i gjykatës në këtë shtet perëndimor të Amerikës, vendimtar për zgjedhjet e nëntorit, është fryt i zyrtarëve të zgjedhur republikanë “të cilët janë të vendosur të heqin lirinë e grave”.
