Berlini po përgatitet të shtetëzojë Gazprom Germania

Qeveria gjermane ka krijuar një kompani që do të marrë përsipër shtetëzimin eventual të Gazprom Germania, degë e gjigantit rus të energjisë në Gjermani. Mbikëqyrja e energjisë gjermane kishte siguruar në prill se do të menaxhonte kompaninë, e cila tregton, ruan dhe transporton gazin, në interes të Gjermanisë dhe Evropës. Kompania mbajtëse, e koduar Securing Energy for Europe Holding GmbH (SEEHG), do të drejtohet nga dy avokatë dhe do të jetë përgjegjëse për investimet e kompanisë. Ministria e Ekonomisë e Gjermanisë tha se kjo është një masë paraprake në funksion të një ristrukturimi të mundshëm të filialit gjerman të Gazprom. Filiali u braktis praktikisht në prill, pas pushtimit rus të Ukrainës. Shumë shtete evropiane po përgatiten për mungesa të mundshme të energjisë këtë dimër, por Gjermania është ajo që e ndjen më shumë pasigurinë pasi më shumë se gjysma e importeve të gazit për të vinin nga Rusia, deri para luftës në Ukrainë.https://lajme.rtsh.al/artikull/kriza-energjetike-berlini-po-pergatitet-te-shtetezoje-gazprom-germania