Një tjetër rrugë po del nga harta e zonave problematike në qytetin e Shkodrës, falë investimeve të bashkisë dhe Fondit Shqiptar të Zhvillimit. Kryetari i bashkisë Shkodër, Benet Beci bëri të ditur se ka nisur puna për përmirësimin e infrastrukturës rrugore të rrugë “Isaj”. “Me gjatësi 1.3 km, ky aks që lidh lagjen Drobraç me zonën e Fermentimit i është nënshtruar rikonstruksionit”, u shpreh Beci. Sipas tij, ky segment rrugor do të asfaltohet në kuadër të një pakete ndërhyrje të bashkisë Shkodër me Fondin Shqiptar të Zhvillimit për përmirësimin e infrastrukturës në rrugët e brendshme të qytetit të Shkodrës dhe Njësive Administrative.
