BE: Veprimet e njëanshme të Polonisë dhe Hungarisë të papranueshme

Jemi në dijeni të njoftimeve nga Polonia dhe Hungaria për ndalimin e importit të grurit dhe produkteve të tjera bujqësore nga Ukraina, deklaroi sot Bashkimi Evropian. ”Ne kërkojmë informacione të mëtejshme nga autoritetet kompetente në mënyrë që të mund të vlerësojmë masat”, shtoi BE. ”Në këtë kontekst, është e rëndësishme të theksohet se politika tregtare është kompetencë ekskluzive e BE-së dhe, për rrjedhojë, veprimet e njëanshme nuk janë të pranueshme”, theksoi BE. “Në momente të tilla të vështira, është thelbësore të koordinohen dhe të harmonizohen të gjitha vendimet brenda BE-së”, tha BE. Edhe Sllovakia ka ndaluar përkohësisht importet e grurit dhe produkteve të tjera bujqësore nga Ukraina, bëri të ditur sot zyra e shtypit e qeverisë sllovake. Të enjten e kaluar, Sllovakia ndaloi përpunimin e grurit ukrainas dhe miellit të prodhuar prej tij për shkak të pranisë së pesticideve.