Objektivi më i fundit për reduktimin e emetimeve të karbonit i rekomanduar nga Komisioni Evropian do të ketë nevojë për shpenzime shtesë, prej 1,5% të PBB-së, sipas organit ekzekutiv të BE-së. “Një shtesë e PBB-së prej 1,5% krahasuar me dekadën 2011-2020 duhet të investohet çdo vit në tranzicion për të arritur reduktimin prej 90% të emetimeve të karbonit deri në vitin 2040, krahasuar me emetimet e vitit 1990”, sipas komisionit. Megjithatë, ndryshe nga synimet për ta bërë Bashkimin Evropian neutral ndaj karbonit deri në vitin 2050 dhe për reduktimin prej 55% të emetimeve deri në vitin 2030, objektivi i ri i 2040 nuk është vendosur në ligjin e BE-së. Komisioni nuk ka filluar ende procesin formal për ta bërë atë një çështje ligjore. Objektivi prej 90% përkundrazi është një rekomandim politik. Komisionet e radhës të BE-së, të cilët do të emërohen pas përfundimit të mandatit të komisionerit aktual më 31 tetor, do të vendosin nëse ai do të kthehet në një propozim ligjor konkret.
