BE-ja i dhuron Ukrainës mbi 5 milionë tableta jodur kaliumi

Bashkimi Evropian i ka dhuruar Ukrainës mbi 5 milionë tableta jodur kaliumi për t’u mbrojtur nga rreziku i rrezatimit, njoftoi sot Komisioni Evropian. “Mes bombardimeve që vazhdojnë në centralin bërthamor në Zaporizhia, tabletat do t’i mbrojnë qytetarët nga rreziku i rrezatimit”, tha në një deklaratë Janez Lenarčič, komisioneri i BE-së për Menaxhimin e Krizave. Komisioni tha se tabletat e dhuruara nga BE-ja vlejnë mbi 5 milionë euro (5 milionë dollarë). Krahu ekzekutiv i BE-së organizoi dhurimin e tabletave përmes platformës “Mekanizmi i Mbrojtjes Civile i BE-së”. “Tabletat e jodur kaliumit mund të parandalojnë akumulimin e jodit radioaktiv në tiroide në rast të një aksidenti bërthamor. Pavarësisht bombardimeve në zonën e Zaporizhias, nivelet e rrezatimit mbeten normale”, deklaruan zyrtarët e OKB-së dhe palët ndërluftuese.https://ata.gov.al/2022/08/30/bruksel-be-ja-i-dhuron-ukraines-mbi-5-milione-tableta-jodur-kaliumi/