BE: Ekspozimi ndaj kimikateve në Gjermani në mospërputhje me rregullat e bllokut

Komisioni Evropian i dërgoi një paralajmërim zyrtar Berlinit për mospërputhje me rregullat e Bashkimit Evropian për ekspozimin e punonjësve ndaj kimikateve të rrezikshme. “Nivelet e pragut për kimikatet potencialisht të dëmshme përcaktohen sipas ligjit të BE-së, por Gjermania deri më tani nuk ka arritur të përshtatë kufijtë për disa substanca në rregulloret kombëtare”, thuhet në një njoftim për shtyp. “Për akrilaldehidin, ligji gjerman vendosi një kufi kombëtar të ekspozimit në punë që është katër herë më i lartë se kufiri i BE-së. Për dioksidin e squfurit, kufiri gjerman është dyfishi i nivelit të vendosur nga BE-ja”, tha komisioni. “Berlini ka afat dy muaj për t’iu përgjigjur shqetësimeve të ngritura nga komisioni”, thuhet në njoftimin për shtyp.