BE 20 milionë euro për krizën e refugjatëve në Egjipt

Egjipti po luan një rol të rëndësishëm si vend pritës dhe po tregon bujari ndaj refugjatëve sudanezë që ikin nga vendi, tha përfaqësuesi i Lartë i BE-së, Josep Borrell gjatë vizitës së tij në Kajro. “Bashkimi Evropian do të sigurojë si reagim të menjëhershëm një fond shtesë prej 20 milionë eurosh për të mbështetur Egjiptin në trajtimin e krizës së re të refugjatëve”, shtoi ai. “Partneriteti BE-Egjipt është i një rëndësie strategjike për ne”, tha Borrell. “Me Ministrin e Jashtëm Sameh Shoukry, diskutuam për zgjerimin dhe thellimin e mëtejshëm të bashkëpunimit tonë, duke përfshirë energjinë, tregtinë, të drejtat e njeriut dhe migrimin, si dhe çështjet rajonale si Procesin e Paqes në Lindjen e Mesme (MEPP), Siria dhe ujërat e lumit Nil”, theksoi Borrell. “Kriza aktuale e ushqimit është pasojë e drejtpërdrejtë e luftës së Putinit, pasi shumica e importeve të grurit të Egjiptit vijnë nga Ukraina. Ne kemi nevojë për një paqe të drejtë dhe të barabartë për Ukrainën”, tha ai. atsh