Bazeli mikpritës i Eurovision Song Contest 2025

Eurovision Song Contest 2025 do të zhvillohet vitin e ardhshëm në Bazel, një qytet zviceran në kufi me Gjermaninë dhe Francën, vendosën sot organizatorët – Korporata Zvicerane e Transmetimeve (SRG) dhe Unioni Evropian i Transmetuesve (EBU). Finalja do të mbahet më 17 maj. Bazeli, i cili konkurroi me Gjenevën për të pritur konkursin e këngës, aplikoi me moton “Të kapërcejmë kufijtë”. Ai e sheh veten dhe rajonin si shembullin më të mirë se si kufijtë mund të bëhen të parëndësishëm në jetën e përditshme të njerëzve. “Ne do ta bëjmë Eurovision Song Contest nga zona kufitare me tre vende në zonën kufitare me 40 vende”, tha politikani i pavarur, Jorg Lutz, në videon e aplikimit të Bazelit. Ai tha se shumë vizitorë të Eurovizionit mund të qëndrojnë gjatë natës në Lorrach. Në Bazel, çmimet e hoteleve tashmë janë rritur në disa qindra euro në natë edhe për një akomodim të thjeshtë. Spektakli muzikor njëjavor, me dy gjysmëfinale, përfundon me një finale të madhe. Ngjarja është caktuar të zhvillohet në St Jakobshalle, e njohur për turnetë e tenisit dhe ngjarje të tjera sportive. Ka një kapacitet për 12 000 njerëz.