Polonia njoftoi se do të përfshijë edhe Izraelin gjatë bisedimeve me qeverinë gjermane lidhur me kërkesën e saj për dëmshpërblime për dëmet e shkaktuara nga Gjermania naziste gjatë Luftës së Dytë Botërore. “Ne duam të zhvillojmë bisedime në Berlin dhe të ftojmë përfaqësuesit e Izraelit të bashkohen, në fund të fundit, gjysma e viktimave polake ishin qytetarë me origjinë hebreje”, deklaroi sot kryeministri polak Mateusz Morawiecki për “Der Spiegel”. Javën e kaluar, komisioni parlamentar në Varshavë paraqiti një raport ekspertësh në të cilin dëmi i shkaktuar nga lufta në Poloni u vlerësua në mbi 1.3 trilion euro (1.3 trilion dollarë). Qeveria gjermane ka kundërshtuar kërkesën e Polonisë për dëmshpërblime, duke thënë se ajo çështje ishte zgjidhur me një traktat të vitit 1990 që lidhej me ribashkimin e Gjermanisë.http://ata.gov.al/2022/09/10/varshave-poloni-izrael-bashkohen-per-ceshtjen-e-demshperblimeve-te-luftes-se-dyte-boterore/
- Advertisment -