Baerbock: Serbia të bëjë thirrje për heqje dorë nga dhuna

Ministrja e Jashtme e Gjermanisë, Annalena Baerbock, ka deklaruar se Serbia duhet të bëjë thirrje për heqje dorë nga dhuna, shkruan Kosovapress. Ajo ka shkruar pas ngjarjeve në veri të Kosovës ku terroristët serbë sulmuan Policinë e Kosovës ndërsa mbeti i vdekur rreshteri Afrim Bunjaku. “Pas sulmit ndaj Policisë së Kosovës të gjithë duhet të jenë të vetëdijshëm për rolin e tyre për paqe. Në situatën e tensionuar në Ballkanin Perëndimor përgjegjësia matet me atë që bëni për de-përshkallëzim. Serbia në veçanti duhet të bëjë thirrje, pa mëdyshje, për heqjen dorë nga dhuna”, ka shkruar diplomatja gjermane.