Fermerët i janë rikthyer prodhimit të grurit, falë politikave mbështetëse që vijon të ndërmarrë qeveria për zhvillimin e bujqësisë. Masat mbështetëse të Skemës Kombëtare dhe shpërndarja e naftës pa taksa për punimet e mekanizuara në bujqësi, po shtojnë interesin e bujqëve të zgjerojnë sipërfaqet e mbjella me kultura bujqësore dhe së fundi edhe me drithëra. Ministrja e Bujqësisë dhe Zhvillimit Rural, Frida Krifca i tha ATSH-së, se “AZHBR po kryen kontrollet në terren për sipërfaqet e mbjellja me grurë, me qëllim aplikimin e mbështetjes financiare për fermerët, nga Skema Kombëtare 2022”. Sezoni i mbjelljes së grurit, ka nisur në mesin e muajit tetor dhe vijon deri nga fundi i nëntorit. Ndërkohë kontrollet vijojnë në të gjithë territorin për mbjelljet e reja të parcelave me grurë për të gjithë fermerët që kanë dorëzuar dokumentacionin e pronësisë apo të përdorimit të tokës. Sipas AZHBR-së, ekipet e kontrollit do të verifikojnë në terren sipërfaqen reale të mbjellë me grurë, ndërsa pagesat kryhen për sipërfaqen faktike të mbjellë dhe pas dorëzimit të faturës për farën e grurit dhe të plehrave kimike. Qeveria mbështet këtë vit me subvencione fermerët, në vlerën e 30,000 lekëve për jo më pak se 1 ha sipërfaqe të mbjellë grurë, për shkak edhe të krizës së grurit që nisi me luftën Rusi-Ukrainë. Ministria e Bujqësisë dhe Zhvillimit Rural bëri të ditur se, skema synon rritjen e të mbjellave me grurë, por edhe lehtëson kostot e fermerëve nga shtrenjtimi i çmimeve të inputeve bujqësore. Sipas MBZHR, në këtë skemë aplikuan 7470 fermerë, për 40 % të sipërfaqes së tokës bujqësore që mbillet me grurë (ose 30,000 ha). Në vendin tonë për vitin 2021 sipërfaqja e mbjellë me grurë shënoi 54,514 ha me një prodhim prej 225,171 tonë. Numri aktual i aplikimeve sipas Ministrisë së Bujqësisë tregon se interesi është i lartë, pasi edhe skema krijon avantazh. “Nuk përfiton kush aplikon i pari, por ai që mbjell sipërfaqe të lartë (jo më pak se 1 ha) pasi aplikon dhe dorëzon dokumentacionin për blerjen e farës dhe inputeve bujqësore, ndihma financiare prej 30,000 lekë do t’i disbursohet brenda 31 dhjetorit 2022”, theksoi MBZHR. Aplikimet për subvencion nisën më 1 shtator dhe vijuan deri më 23 shtator 2022. Të dhënat e MBZHR tregojnë se, sipërfaqja totale bujqësore e shfrytëzuar në Shqipëri është 1,174,081 hektarë, e strukturuar: 611,346 ha tokë arë (50,7%), kullota dhe livadhe janë 478,081 ha (40,7 %), dhe 84,654 ha (7,2%) janë kulturat shumëvjeçare.https://ata.gov.al/2022/11/10/mbeshtetja-per-grurin-azhbr-verifikim-ne-terren-per-siperfaqet-e-mbjella/
- Advertisment -
Recent Comments
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER